April 4, 2012

Al Kawi - Ranah Minang Manangih

Indak tabado ibo hati
Rusuah nan indak alang kapalang
Ranah minang sadang manangih
Urang kampuang tolong patenggangkan

Malang tibo dikampuang awak
Musibah datang tibo-tibo
Hari patang gampo mahoyak
Lah luluah lantak nagari kito

Caliaklah baa rang dirantau
Oi ranah minang sadang manangih
Urang banyak tolong lah silau
Bujuaklah isak nan jo tangih

Baniaik bana badan pulang
O….Ayah oi…
Sialah urang den tapati
Hilang dilulua gampo gadang

Nyao hilang harato abih
Ei gadang ketek nyao malayang
Ka nan kuaso lah basarah diri
Sabakan baa kami nan malang

Hiduik didunia tolong-manolong
Pahalo Allah mambarinyo
Mari kito bagotong-royong
Nak elok baliak nagari kito

0 comments:

Post a Comment

Terimakasih telah berkunjung dan membaca artikel ini. Komentar yang belum Uda Nazar balas mohon sabar ya......